ராகி, ரவா முந்திரி பச்சை பட்டாணி, கேரட் வெங்காயம் பச்சை மிளகாய் நறுக்கி எடுத்து வைக்கவும்.ஒரு வாணலியில் 4 ஸ்பூன் ஆயில் விட்டு அடுப்பை சிம்மில் வைத்து ரவை ராகி மாவு சேர்த்து நன்கு மணம் வரும் வரை வறுக்கவும். ஒரு தட்டில் கொட்டி ஆறவிடவும். வாணலியில்,நான்கு ஸ்பூன்ஆயில் விட்டு கடுகு உளுந்து முந்திரி தாளித்து வெங்காயம் பச்சை மிளகாய் சேர்த்து வதக்கவும்.பச்சை பட்டாணி கேரட் துருவிய இஞ்சி சிறிதளவு கறிவேப்பிலை மல்லித்தழை சேர்த்து நன்கு வதக்கவும். 4 கப் தண்ணீர் தேவையான உப்பு போட்டு கலந்து விடவும்.

மூடி வைத்து கொதிக்க விடவும். கொதித்ததும் அடுப்பை சிம்மில் வைத்து வறுத்த ரவை ராகி மாவை தூவி கிளறவும். கட்டி விழாமல் கிளறி விடவும்.சிறிதளவு நெய் விட்டு கலந்து மூடி வைத்து ஐந்து நிமிடம் சிம்மில் வைத்து வேக விடவும். மல்லித்தழை தூவி இறக்கவும். சுவையான ராகி ரவா உப்புமா தயார்.

பொட்டுக்கடலை தேங்காய் சட்னியுடன் தொட்டுச் சாப்பிட மிகவும் சுவையாக இருக்கும். நீங்களும் செய்து பாருங்கள்.

எப்பொழுதும் ஒரே மாதிரி ரவை உப்புமா செய்வதற்கு பதில் இந்த முறையில் ராகி மாவு சேர்த்து செய்யும்போது வித்தியாசமான சுவையுடன் இருந்தது.