सर्वप्रथम पातेल्यात चार कप पाणी घेऊन पाण्याला उकळी आली की त्यामध्ये १ टेबलस्पून मीठ व १/२ टेबलस्पून तेल टाकून त्यात पास्ता टाकून ५-१० मिनिटे उकळून घ्या. मऊ शिजले की नाही ते चेक करा व नंतर गॅस बंद करून चाळणी मध्ये पास्ता टाकून पाणी काढून टाका.

पास्ता बनवण्यासाठी त्याचा मसाला बनवण्याकरता आता गॅसवर कढई ठेवून त्यामध्ये तेल टाका तेल गरम झाले की त्यात जीरे टाका जीरे तडतडले की त्यामध्ये बारीक चिरलेला कांदा व हिरवी मिरची घालून चांगले परतून घ्या. कांदा व हिरवी मिरची परतून झाल्यावर त्यात अद्रकलसून पेस्ट टाकून चांगले हलवून घ्या. आता त्यात टोमॅटो टाकून पुन्हा एकदा चांगले परतून घ्या.

सर्व साहित्य चांगले परतून झाले की त्यात हळद, लाल मिरची पावडर,गरम मसाला व चवीनुसार मीठ टाकून पुन्हा एकदा चांगले परतून घ्या. मसाले सगळे परतून झाले की त्यात सगळ्या भाज्या टाका व पुन्हा एकदा चांगले परतून घेऊन भाज्या शिजण्याकरता ५-१०मिनिटे झाकूण ठेवा.

भाज्या शिजत आल्यावर त्यात साँस व पास्ता टाकून पुन्हा एकदा चांगले परतून घ्या व गॅस बंद करा.

आता गरम गरम पास्ता सर्व्ह करा.