સૌ પહેલા એક લોયામાં તેલ ગરમ કરો. અને તેલ ગરમ થાય પછી તેમાં જીરું અને હિંગ નાખી પછી તેમાં ઝીણી સમારેલી ડુંગળી ઉમેરી બે-ત્રણ મિનિટ સુધી સાંતળી લો.

હવે પછી તેમાં આદુ અને મરચાની પેસ્ટ ઉમેરો અને મિક્સ કરી લો. પછી તેમાં લીલું લસણ ઉમેરો ફરી એકાદ-બે મિનિટ સુધી ચડવા દો.

હવે તેમાં ટમેટાની પ્યૂરી ઉમેરીને હલાવી લો પછી તેમાં લાલ મરચું, ધાણાજીરુ, હળદર અને ગરમ મસાલો તેમજ મીઠું ઉમેરો પછી મિક્સ કરી લો.

પછી તેમાં પાલકની પ્યુરી ઉમેરી અને મિક્સ કરીને ગ્રેવીને પાંચ મિનિટ સુધી ચઢવા દો.

ગ્રેવી બરાબર પાકી જાય પછી તેમાં મકાઈના દાણા ઉમેરો અને મિક્સ કરી લો. અને પછી શાક માથી તેલ છૂટું પડે ત્યાં સુધી ચડવા દો.

તૈયાર છે કોર્ન પાલક ગ્રેવી સબ્જી