એક કાથરોટ માં મેંદો અને ઘઉંનો લોટ લઇ તેમાં તેલ, ઓરેગાનો, ચીલી ફ્લેક્સ, મીઠું નાખી મિક્સ કરી દૂધથી લોટ બાંધવો અને 15 મિનિટ ઢાંકીને રેસ્ટ આપવો. ત્યારબાદ લોટને મસળીને લૂઆ બનાવવા અને પાતળી રોટલી વણી લોઢીમાં મીડીયમ ફ્લેમ કાચી-પાકી શેકી બધી રોટલી તૈયાર કરવી.

બધા શાકભાજીને સારી રીતે ધોઈને ઝીણા સમારી લો.ત્યારબાદ તપેલીમાં પાણી ગરમ કરી તેમાં મીઠું નાખી પાણી ઉકળે પછી ઝીણા સુધારેલા શાકભાજી નાખી પાંચ મિનિટ ઉકાળી પછી ઝારાથી ચારણીમાં કાઢી ઉપર ઠંડું પાણી રેડી દો. આ રીતે બ્લાંચ કરેલા શાકભાજી નો કલર અને ટેસ્ટ જળવાઈ રહે છે.

હવે ગેસ ઉપર પેનમાં તેલ ગરમ કરી તેમાં આદુ મરચા પેસ્ટ નાંખી સાંતળો ત્યારબાદ જીણા સુધારેલા બેલ પેપર, સીમલા નાખી સાંતળો ત્યારબાદ બોઇલ્ડ કોર્ન અને બ્રાન્ચ કરેલ શાકભાજી નાંખી સાંતળો. શાકભાજી ક્રન્ચી થાય પછી તેમાં ચીલી ફ્લેક્સ, ઓરેગાનો, પીઝા સીજનીંગ, મરી પાઉડર, મીઠું નાંખી ચમચાથી હલાવી ગેસ બંધ કરી દો.