ચણાનો ગગરો લોટ લઈ એમાં ગરમ ઘી અને ગરમ દૂધ ઉમેરી મિક્સ કરી 10 મિનિટ ધાબો દહીં રહેવા દો. પછી લોટ ને હાથ વડે છૂટો કરો અને ઘઉં ચાળવાની ચારણી થી ચાળી લો

હવે ગેસ પર એક જાડા તળિયાવાળા વાસણમાં ઘી ગરમ કરવા મૂકો ઘી ગરમ થાય એટલે તેમાં ચાળેલો લોટ ઉમેરી ધીમે તાપે ગોલ્ડન કલર આવે ત્યાં સુધી સેકી લો. લાગભાગ 30 મિનિટ જેવો સમય થાય છે.

હવે ગેસ બંધ કરી 10 મિનિટ પછી એમાં દળેલી ખાંડ,ઈલાયચી પાઉડર ઉમેરી સરસ રીતે મિક્સ કરો ત્યાર બાદ એક થાળી અથવા કેક ના ચોરસ ટીન માં ઘી થી ગ્રીસ કરો અને એમાં મગસ નું મિશ્રણ પાથરી ઠપ થપાવી ઠંડુ પાડવા દો. થોડા ઈલાયચી દાણા ભભરાવી દો

હવે થોડું ઠારે પછી ઉપર ચમચી થી ઘી પાથરી ઉપર પિસ્તા અને બદામ ની કતરણ ભભરાવી ચોરસ કાપ પાડી ઠારવા દો પછી ઉપરનું બધુ ઘી ઠરી જાય પછી ટુકડા કરી ડબ્બામાં ભરી દો. ગમે ત્યારે મન થાય ત્યારે સર્વ કરો. આ મગસ 10 થી 15 દિવસ સારો રહે છે.