பச்சரிசியை நன்கு கழுவி மூன்று மணி நேரம் தண்ணீரில் ஊற வைக்கவும். பின்னர் தேங்காயை துருவி அல்லது துண்டுகள் போட்டு மிக்ஸி ஜாரில் சேர்த்து அரைக்கவும். அத்துடன் ஊற வைத்த அரிசியை சேர்த்து தண்ணீர் ஊற்றி நன்கு அரைக்கவும்.

அரைத்த மாவுடன் உப்பு, தண்ணீர் சேர்த்து நன்கு கலந்து, தோசை தவாவை சூடு செய்து மாவையெடுத்து தோசை தவாவின் ஓரத்தில் சுற்றிலும் ஊற்றவும். அதன் மேல் சுற்றிலும் எண்ணெய் தூவவும்.

ஒரு நிமிடம் விட்டு திருப்பிப் போட்டு எடுத்தால் சுவையான மிகவும் மெல்லிசான, மிருதுவான நீர் தோசை தயார்.

இந்த தோசையை தேங்காய் வேர்கடலை சட்னி,தக்காளி மற்றும் கார சட்னியுடன் சேர்த்து சாப்பிட மிகவும் சுவையாக இருக்கும். தோசை மாவு தண்ணீர் போல் இருக்க வேண்டும். அப்போது தான் தோசை மிருதுவாக இருக்கும். அதனால் தான் இந்த தோசைக்கு நீர் தோசை என்றும், அரைத்த உடனே செய்வதால் திடீர் தோசை என்றும் சொல்கிறோம்.