સૌ પ્રથમ તુવેર દાણા ને સાફ કરી ચોપર થી ચોપ કરી લેવા

હવે એક નોનસ્ટિક પેન માં તેલ ગરમ કરવું પછી જીરું અને તલ ઉમેરવા

હવે આદુ મરચાં લસણ ઉમેરવા અને થોડી વાર સાતળવા પછી પીસેલા તુવેર દાણા ઉમેરવા

હવે ચપટી બેકિંગ સોડા અને મીઠું ઉમેરી મિક્સ કરી ઢાંકી ને 2 થી 3 મિનિટ ચડવા દેવું

હવે તેમાં ખાંડ,ગરમ મસાલો અને લીંબુ નો રસ ઉમેરી મિક્સ કરીને ચડવા દેવું

હવે જ્યારે બરાબર થઈ જાય પછી કોથમીર ઉમેરી મિક્સ કરી ને ઠંડુ થવા દો ત્યાં સુધી એક બાઉલ માં ઘઉં નો લોટ લેવો તેમાં મીઠું,તેલ અને લીંબુ નો રસ ઉમેરી મિક્સ કરવું

હવે થોડું થોડું પાણી ઉમેરી લોટ બાંધી ને 15 મિનિટ માટે ઢાંકી ને મૂકી દેવો ત્યાર પછી તેમાંથી થોડો લોટ લેવો અને પૂરી વણી તેમાં તુવેર નું સ્ટફિંગ ભરવું

હવે બધી બાજુ થી કવર કરી કચોરી ભરી લો એવી રીતે બધી કચોરી બનાવી લેવી હવે એક કડાઈ માં તેલ ગરમ કરવું પછી તેમાં આ કચોરી ધીમા તાપે તળવી

બંને બાજુ ફેરવી ફેરવી ને કચોરી તળી લેવી આવી રીતે બધી કચોરી તળી લેવી

હવે સર્વિંગ પ્લેટ માં કાઢી દહીં અને લીલા લસણ ની ચટણી સાથે સર્વ કરો