तांदूळ स्वच्छ धुऊन, चवीनुसार मीठ व आवश्यकतेनुसार पाणी घालून भात मऊ शिजवून घ्यावा. दही व दूध एकत्रित फेटुन घ्यावे. त्यानंतर त्यात आले मिरची पेस्ट, साखर, मीठ मिक्स करावे.

शिजलेला भात व फेटलेले दही मिक्स करावे. त्यानंतर फोडणीचे भांडे गरम करून साजूक तुपाची फोडणी करावी. त्यात मोहरी, कढीपत्ता, हिंग, लाल मिरच्या, उडीद डाळ, चणाडाळ फोडणीला घालावी.

दहिमिश्रित भातावर ही तयार फोडणी घालावी. सर्व मिक्स करावे. असा हा दहिभात म्हणजेच "कर्ड राईस" चवीला छान लागतो.