कारलं प्रथम स्वच्छ धुऊन ऊन त्याच्यावरचं थोडं साल काढून त्याचे दोन किंवा तीन तुकडे करावे व त्याला मधून चीर पाडून घ्यावी त्यातील बी कडक असेल तर काढून घ्यावे. गॅसवर पाणी गरम करत ठेवावे व त्यात दोन चमचे मीठ घालून ते उकळल्यावर चिरलेले कारली त्यात शिजवून घ्यावी त्यात थोडी हळद सुद्धा घालावी.

शिजलेली कारली चाळणीत घालून त्यातील पाणी पूर्ण काढून घेणे व मिक्सरमध्ये भाजलेले शेंगदाणे, खोबरे, तीळ लसूण मिरची,आलं यांची बारीक पेस्ट करून घेणे. गॅसवर पसराले ठेवून त्यात तेल घालावे ते गरम झाल्यावर राई,जिरं,हिंग व कांदा फोडणीला घालावा.

कांदा थोडा शिजल्यावर त्यात मीठ,मसाला, साखर, गरम मसाला,हळद व तयार केलेले वाटाण्याची पेस्ट सर्व घालून चांगले परतून घ्यावे. फोडणी चांगली शिजल्यावर त्यात वाफवलेले कारले घालून सर्व एकजीव करावे व अर्धा ते पाऊण ग्लास पाणी घालून चांगली वाफ येऊ देणे.

कारलं ग्रेव्ही सर्व एकजीव झाल्यानंतर त्यात वरून तीन चार कोकम घालावे व परत वाफ येऊ द्यावी आंबट गोड कडू अशी टेस्टी कारल्याची ग्रेव्ही तयार.