હવે ગેસ પર એક કડાઈમાં સાફ કરેલ તલ ને ધીમા તાપે શેકી લ્યો તલ તતડવા લાગે એટલે એક વાસણમાં કાઢી ઠંડા થવા મૂકો અને એજ કડાઈમાં 1 ચમચીઘી નાખો અને ઘી ને ગરમ કરો ને એમાં ગોળ નાખી હલાવો.

ગોળ ઓગળી જાય ને એનો રંગ બદલવા લાગે એટલે ગેસ ધીમો કરી ને એક પાણી વારા વાટકામાં બે ટીપાં પીગળેલા ગોળ ના નાખી ચેક કરી લ્યો.જો ગોળ આરામ થી તૂટી જાય ત્યારે એમાં શેકેલા તલ નાખી બરોબર મિક્સ કરી લ્યો.

ગોળ અને તલ બરોબર મિક્સ થઈ જાય એટલે થોડું મિશ્રણ ગ્રીસ કરેલ પ્લાસ્ટિક કે પેપર પર નાખી પાણી વારા હાથ થી ગોળ ગોળ કરી લ્યો ને ગ્રીસ કરેલ વાટકા થી થોડી થોડી દબાવી લ્યો.

સાવ પાતળું વણી લીધા બાદ કાઢી લ્યો ને બીજું મિશ્રણ લઈ એને પણ પહેલા જેમ વણી લ્યો આમ બધા મિશ્રણ ને થોડું થોડુ લઈ વણી લ્યો ને ઠંડી થવા મૂકો અને સાવ ઠંડા થાય એટલે એમાંથી કટકા કરી એર ટાઈટ ડબ્બામાં ભરી લેવા તો તૈયાર છે તલસાંકરી.