સૌપ્રથમ બધા શાકભાજીને ધોઈને લુછી લો. નાની બટાકી ની છાલ કાઢી લો. શક્કરીયા ને છાલ સાથે ગોળ ટુકડામાં કટ કરી લો. રતાળુ ની છાલ કાઢીને તેના ટુકડા કરી લો.

સુરતી પાપડી ને છોલીને સાફ કરી લો દાણા વાળી પાપડી ના દાણા કાઢી લો. રવૈયા માટે ઉપર મુજબ આપેલી બધી સામગ્રી અને તેલ મિક્સ કરીને ભરવાનો મસાલો રેડી કરી લો. રવૈયામાં કાપા કરીને તેમાં બધો મસાલો ભરી લો.

હવે સ્ટીમર ને પ્રિહિટ કરીને રાખો. તેમાં નીચે પાણી અને ઉપર એક જાળી મૂકીને બધા શાકને ગોઠવીને સૌથી ઉપર રવૈયા મૂકીને વરાળથી બાફી લો લગભગ 20 મિનિટમાં બધું શાક બફાઈ જશે.

ઉંધીયુ વઘારવા માટે કડાઈમાં તેલ ગરમ કરવા મૂકો. તેલ ગરમ થાય એટલે તેમાં રાઈ જીરું, અજમો અને હિંગ એડ કરો પછી તેમાં ટામેટું એડ કરીને સાંતળી લો હવે તેમાં આદુ લસણની પેસ્ટ અને લીલું લસણ અને લીલા મરચાની પેસ્ટ એડ કરો. બે સેકન્ડ માટે થવા દો. પછી તેમાં બધા સૂકા મસાલા, એડ કરો. એક પછી એક બધા શાક એડ કરીને હળવા હાથે તાવેતાથી હલાવો. હવે તેમાં કોથમીર લીલું લસણ, ગરમ મસાલો, મીઠું અને થોડું ગરમ પાણી એડ કરો.

ઊંધિયું ને હળવા હાથે હલાવો જેથી બધા શાક તૂટી ન જાય હવે તેમાં તળેલા મુઠીયા નાખીને દસ મિનિટ કૂક થવા દો. સર્વ કરવા માટે સુરતી ઊંધિયું તૈયાર છે.

સુરતી ઊંધિયું ને લીલા લસણ થી ગાર્નીશ કરો સુરતી ઊંધિયું ને સર્વ કર્યું છે.