મેથીની ભાજી ને ઝીણી સમારી ધોઈ લેવી. લસણની નાની કટકી કરી લેવી અને ટામેટું અને મરચું ઝીણું સમારી લેવું. પછી એક પેનમાં તેલ મૂકી રાઈ જીરું મૂકી ગરમ થાય એટલે લસણની કટકી ઉમેરી ટામેટું, મરચું એ બધું મૂકીને વઘાર કરી લેવો. ત્યારબાદ તેમાં મેથી ઉમેરી દેવી. બે મિનિટ સુધી આ બધું તેલમાં સાંતળી લેવું.

ત્યારબાદ 1/2 ગ્લાસ પાણી ઉમેરી થોડીવાર ઉકળવા દેવું. સાથે તેમાં બધો મસાલો પણ કરી લેવો. પછી તેમાં ધીરે ધીરે ચણાનો લોટ ઉમેરતા જવું અને મિક્સ કરતા જવું.

પછી બે મિનિટ ગેસ પર રહેવા દેવાનું અને ઉતારી લેવું. હવે તૈયાર છે મેથી ની લોટ વાળી ભાજી તેને ગરમાગરમ સર્વ કરવું.