ગરમ તેલમાં મધ્યમ તાપે કાજુ અને બદામ સહેજ ક્રિસ્પી થાય તેવા તળી લો. દૂધીને છીણી ચપટી તેના પર મીઠું ભભરાવી તેનો તળી લો. કાચા કેળા ઝીણા સમારી તેને તળી લો.

બ્લાંચ કરેલા બધા શાકભાજી અને કાચા કેળા તળેલા લઈ તેમાં મેરીટેશન માટે બધી જ સામગ્રી ઉમેરી બરાબર મિક્સ કરી ઢાંકીને 20 મિનિટ માટે રહેવા દો.

હવે એક કડાઈમાં તેલ ગરમ મૂકી તેમાં જીરું ઉમેરો જીરું તતડે એટલે તેમાં મેરીનેટ કરેલું મિશ્રણ ઉમેરી ચાર થી પાંચ મિનિટ માટે ધીમા તાપે કુક કરી તેમાં 1/2 કપ ગરમ પાણી ઉમેરી બે થી ત્રણ મિનિટ માટે કુક કરી લો. ફોટા નંબર ત્રણમાં બતાવ્યા પ્રમાણે બધી જ સામગ્રી તૈયાર કરી લો.

એક માટીના હાંડામાં સૌપ્રથમ તૈયાર કરેલી સબ્જી ઉમેરો ત્યારબાદ તૈયાર કરેલા ભાત ઉમેરો ફરીથી તેના ઉપર તૈયાર કરેલી સબ્જી ઉમેરો ફરીથી તેના ઉપર રાંધેલા ભાતો ઉમેરો.

હવે તેની ઉપર કેસરવાળું દૂધ, દૂધી તળેલી, તળેલા કાજુ બદામ,ફુદીના અને કોથમીરના પાન ઉમેરી ઉપરથી એક મોટી ચમચી દેશી ઘી ઉમેરી, બાંધેલા લોટ ની મદદથી તેને સીલ કરી દો. આ હાંડીને પાંચ મિનિટ માટે ફાસ્ટ તાપે અને પછી ધીમા તાપે 12 થી 15 મિનિટ માટે રહેવા દો જેથી કરીને બિરયાની ની બધી જ ફ્લેવર એકબીજામાં સરસ રીતે બેસી જશે.

હવે ધીમે રહીને તેની બહાર ફરતે લાગેલા લોટનું લેયર કાઢીને બિરયાની સર્વ કરો.

અહીં મેં બિરયાની ને સર્વ કરેલ છે. તો તૈયાર છે ઘણા બધા તેજાના, કોરા મસાલા અને શાકભાજી થી ભરપૂર એવી અવધ બિરયાની સર્વ કરવા માટે.