Zaki fyere dankali ki wanke ki yankashi da tsawo

Ki zuba a tukunya ki saka ruwa kadan, gishiri da dandano sai ki dora a wuta ya tafasa

Tafasan farko se ki sauke, ki tarare ruwan

Ki dora mai a wuta ki jefa albasa ki barshi yayi zafi sannan ki saka dankalin a cikin mai din ki soya daidai yanda kike bukata idan ya soyu ki cire ki sa a colander ko paper towel domin ya tsane mai

Ki fasa kwai, ki yanka albasa ki sa gishiri kadan sannan ki aza pan da mai kadan ki soya kwan, idan yayi ki juya dayan gefen ki soya, idan yayi miki yanda kike so se ki cire.

Ina tafasa dankalin turawa a koda yaushe idan zan soya domin shi ke hana ya lakuce, duk lokacin da zaki ci shi zaki ganshi kamar yanzu kika gama suyar.