اولا نقوم بطحنو بسكويت شبيه اوريو انا استعملت مزيج بين بسكويت عادي و بسكويت مغطى بشوكولاتة بيضاء نطحنوهم خشن قليلا نجيب اكواب تحلية ونحط كمية من بسكويت مطحون في قاعدة و نبسط بالملعقة

في كاسرونة نحط حليب و سكر و نشاء و سكر فانيليا و نخلط مليح و نحط خليط فوق نار متوسطة مع تخليط مستمر كي تبدا تثقال كريمة نطفي و نضيفلها ملعقة مارغرين صغيرة و نحرك مليح حتى ذوب و نسكب كريمة فوق طبقة بسكويت

بعد لي تتماسك كريمة نحضر طبقة اخيرة نحط كريمة سائلة تسخن فوق نار كي تسخن ننزعها من فوق نار و نضيف عليها شوكولاتة لي كنا قطعناها قطع صغيرة و نحرك مليح حتى ذوب شوكولاتة تماما ثم نسكبها فوق كريمة و نزين تحلية بقطع من بسكويت (تزيين اختياري) و نخليهم يبردو ونقدمهم