بسم الله اولا نقطع صدور الفراخ ونشيل الخيوط والدهون ونغسلها بالملح والمايه وبعدين نعصر عليها ليمون ونسيبها على جنب

في بوله احط الماء المثلج وكل المكونات واقلبهم على بعض واجيب قطع الفراخ اغسلها من الليمون

في فرامه اللحمة احط الفراخ وعليها الخيط اللي في البوله واضربهم لغايه ما الخليط يكون ناعم تماما

اجيب كيس ثلاجة افتحه بالمقص وافردده واجيب جزء من الخليط واحطه على الكيس والف الكيس عليه رول واربطه من الجنبين واجيب كيس كمان والفه تاني فيه وأفضل اروله على الرخامه رايح جي علشان يكون قطعه واحده واجيب ورقه فويل وارجع الفها تاني واقفله من الأطراف انا حطيته في كيس تاني واقفله علشان الفويل عندي خلص

واجيب مج بيدخل المايكرويف وادهنه زيت واحط فيه بقيه خليط اللانشون واسيب جزء منه فاضي واغطيه باسترتش

اجيب حله واحط فيها ماء واحط اللانشون فيها ولما تغلي اغطيها لمده نصف ساعة هتلاحظي في المج ان الخليط بتاع اللانشون بيعلي يعني بيستوي

ولما نطلعهم نستني لما يبردوا وبعدين نقطعهم

وبالهنا والشفا