أولا نجيب الممبار ونقلبه تحت حنفية المياه ونجرده بالسكين كويس مع الحذر بعدم تقطيعه ثم بعد كده نغسله كويس بالملح والخل ثم نقعه شويه في ماء نظيف به ملح وليمون ثم نشطفه ثانى وندعكه بالدقيق و نشطفه بالماء الجارى كويس كذا مرة لازم كده هو تنظيفه صعب شويه ونشطفه كويس ثم نقطعه طويل أو قصير على حسب الرغبة

في حلة على النار أضع الزيت يسخن ثم أضع البصل حتى يذبل ثم اعمل حفرة في وسط البصل واضع الثوم يذبل و يصفر ثم أضع ملعقة الكزبرة الناشفة واقلب كويس ثم أضع عصير الطماطم و صلصة الطماطم وأتركها تتسبك شوية ثم أضع الملح والتوابل كلها واقلب كويس بعد ما تتسبك كويس اطفى النار ثم أضع الخضرة واقلب كويس

أجيب الأرز واغسله كويس ثم أضعه على الخلطة واقلب كويس وأجيب الممبار واحشيه مع مراعاة انه ما يكن مليان قوى علشان الأرز لسة هيستوى ويزيد ولو كان الحشو زيادة هيفرقع ويبوظ

حلة على النار واضع الماء والملح والكمون واللورا وأتركها تغلى ثم أضع الممبار واحدة واحدة هو أول ما ينزل الماء الساخن بيقفل كويس أتركه حتى يغلى ثم أهدى عليه النار حتى يستوي كويس لمدة نصف ساعة أو على حسب نوعية الممبار ياخذ سوى أو لا

بعد التسوية كويس اطلع من الماء واصفيه كويس ثم أجيب طاسة بها زيت على النار واضعه حتى يتحمر و ياخذ اللون الذهبي الغامق الجميل وممكن لو ما تحبى التحمير في الزيت نرصه في صينية مدهونة زيت ونضع عليه شوية زيت صغيرة وندخلها الفرن يتحمر

وبالف هنا 🌷🌷