प्रथम एका पॅनमध्ये दूध घेऊन ते गरम करत ठेवावे.

बासमती तांदूळ अर्धा तास धुवून ठेवावेत व नंतर ते मिक्सरवर बारीक वाटून घ्यावेत.

दुधाला उकळी आल्यावर त्यात तांदुळाची पेस्ट घालून सतत ढवळत राहावे. गुठळ्या होऊ देऊ नयेत.

हे मिश्रण थोडे घट्ट व्हायला लागले की त्यात नारळाचा चव घालावा व सारखे हलवत राहावे.

नंतर त्यात आंब्याचा रस व साखर घालून फिरनी दाटसर होईपर्यंत हलवत राहावे.

मग वेलची पावडर व केशर टाकून पाच मिनिटांनी गॅस बंद करावा. थंड झाल्यावर ती फ्रिज मध्ये सेट करायला ठेवावी. सर्व्ह करताना बदाम पिस्त्याचे काप टाकून सजवून द्यावी.

टीप : फिरनी खूप थंड खायलाच छान लागते. अशी ही नारळ आणि आंब्याचा मिलाप असलेली फिरनी खायला खूप सुंदर लागते.