સૌપ્રથમ કુકરમાં તેલ, ઘી લેવા તેમાં લવિંગ, મરી,તજ,આખા મરચા નાખવા અને ગરમ થવા દેવા. હવે તેમાં જીરું નાખો જીરૂ ગરમ થાય એટલે કાંદા અને બટાકા નાંખી સાંતળવા પછી તેમાં બધા જ શાકભાજી ઝીણા સમારેલા નાખી ૧ મિનીટ માટે સાંતળવા.

બધા શાકભાજી સંતળાઈ જાય એટલે તેમાં મીઠું, મરચું,હળદર, ધાણાજીરું, ગરમ મસાલો નાંખી બરાબર હલાવવું. હવે તેમાં બે કલાક પલાળેલા બાસમતી ચોખા ઉમેરવા અને બે કપ પાણી નાખી બરાબર બધું મિક્સ કરી દેવું. બધું મિક્સ થઈ જાય એટલે બે-પાંચ મિનિટ માટે ઉકળવા દેવું પછી કૂકર નું ઢાંકણું બંધ કરી અને એક સિટી મારવી. તો તૈયાર છે એકદમ ફટાફટ બની જતા વેજિટેબલ પુલાવ કુકરમાં તેને બૂંદી રાયતાં સાથે સર્વ કરવું.