સૌ પ્રથમ ચોખા લઇ થોડી વાર પાલળી રાખો. હવે એક બાઉલમાં ૩ ટેબલ ચમચી જેટલું દૂધ લઇ તેમાં ચોખા અને કેસર નાખી ૧૦ મિનિટ માટે સાઇડમાં મૂકી દો.

એક તપેલીમાં બાકીનું દૂધ ઊકળવા મૂકો. ૨ મિનિટ જેવું ઊકળે એટલે ચોખા અને કેસરવાળું દૂધ ઉમેરી મિક્સ કરો. ફરી તેને મિડિયમ તાપે ૫-૭ મિનિટ ચડવા દો. થોડું જાડું પડે એટલે ખાંડ, સૂકો મેવો નાખી ફરી ઊકળવા દો. વચ્ચે વચ્ચે હલાવતા રહો.

બીજી ૧૦ મિનિટ માટે ઊકળવા દો. દૂધ જાડું થાય અને ચોખા પૂરા ચઢી જાય ત્યાં સુધી થવા દેવું. છેલ્લે ઇલાયચી પાઉડર ઉમેરી મિક્સ કરી લો.

ઠંડું પડે એટલે એકાદ કલાક માટે ફ્રીઝમાં રાખી એકદમ ઠંડુ કરી ઉપર ડ્રાય ફ્રુટ અને ગુલાબ ની પંદડીઓ થી સજાવી સર્વ કરો...