सर्वात आधी गुलाबजाम तळून बाजूला ठेवावे.

बिर्याणी साठी एका पातेल्यात पाणी घेऊन त्यात खडे मसाले आणि थोडंसं मीठ घालून उकळी आल्यावर धुवून निथळलेले तांदूळ रोवावे. ८०% तांदूळ शिजल्यावर पाणी ओतून तयार भात निथळत ठेवावा.

आता, एका जाड बुडाच्या पातेल्यात, सगळ्यात आधी तेल घालून त्यावर कांदा पसरवून घ्यावा. मग तयार भात, त्यावर तयार ग्रेव्ही, कोथिंबीर+पुदिना, टोमॅटो, बिर्याणी मसाला अशा लेयर्समध्ये बिर्याणी सेट करावी. सर्वात वर थोड्या सुकवलेल्या गुलाब पाकळ्या भुरभुराव्या आणि बिर्याणी ला १५ मिनिटे दणदणीत दम द्यावा.
*टीप : गुलाबजाम कुस्करण्याची भिती असल्याने ग्रेव्ही अलगद हाताने पसरवावी.

हलक्या हाताने बिर्याणी प्लेटमध्ये काढून रायता किंवा कोशिंबीर सोबत सर्व्ह करावी.