#रेसिपीबुक
#week4
#माझं आवडतं पर्यटन स्थळ
केरळ हे शहर तसं खूप बघण्यासारखं आहे, गेल्याच वर्षी आम्ही केरळची टूर केली होती. माझ्या मिस्टरांचे एक मित्र केरळला मधल्याच त्रिचुर या स्टेशनच्या आसपास राहणारे होते त्यांना जसे समजले की आम्ही केरळला (कोचीन) येणार आहोत तर त्यांनी स्वतः त्रिचुर स्टेशनवर भेटायला येतो म्हणून सांगितले आणि सांगितल्याप्रमाणे आले ते अप्पम व केळ्याचे वेफर्स भेट म्हणून घेऊन आले, अप्पम तर गरम गरमच लागत होते त्यांच्या मिसेजने ते घरून करून पाठवले होते. आणि खाऊन बघितले तर इतकी अप्रतिम चव आणि सॉफ्ट होते. आम्हा सर्वांना ते खूपच आवडले. त्यानंतर मुंबईला आल्यावर माझ्या मिस्टरांना सांगून ठेवले होते नंतर कधी त्यांच्याशी बोलणं झालं तर त्यांना रेसिपी पाठवायला सांगा म्हणून. पण तो योग काही आला नव्हता, तर आत्ता कूकपॅडच्या या थिममुळे परत आठवण आली आणि त्यांच्याकडून ती रेसिपी मिळवलीच आणि करूनही पाहिली. चवीला छानच झाली एकदम सॉफ्ट झाली. आणि केरळला नारळ भरपूर प्रमाणात त्यामुळे खोबरेल तेलाचा वापर जास्त. मी तिकडून येताना एक बाटली आणली होती खोबरेल तेलाची त्याचाच वापर केला, तर हे अप्पम जरूर करून बघा पण शक्य असल्यास केरळवाला दुकानदार कोणी असेल तर त्यांच्याकडे जो काळा गुळ मिळतो तो घालून करा तसेच केळीसुद्धा त्यांच्याकडचीच घेऊन करा. आणि एक सांगायचं राहिलं ते म्हणजे अप्पमचे पीठ फरमेन्ट होणं जरुरीचं आहे, व्यवस्थित फरमेन्ट नाही झाल तर कडक होतील जसं इडलीचं पीठ तसंच हे आहे. तरच ती अप्रतिम चव तुम्हाला मिळेल.