प्रथम गॅसवर एका पातेल्यात पाणी उकळत ठेवावे नंतर त्यावर एक बाउल किंवा भांड ठेवून त्यात डार्क चॉकलेट टाकावे आणि मेल्ट करून घ्यावे.

नंतर त्यात ३ टेबलस्पून किंवा १०० ग्रॅम बटर टाकून मिक्स करावे आणि एका बाउल मध्ये काढून घ्यावे. नंतर एका कढईमध्ये स्टॅण्ड ठेवून गरम करायला ठेवावे.

नंतर तयार केलेल्या मिश्रणामध्ये मैदा, पिठीसाखर, कोको पावडर आणि बेकिंग पावडर चाळणीने चाळून घालावे आणि मिक्स करावे.

नंतर त्यात दूध थोडे थोडे घालून मिक्स करून घ्यावे आणि मिश्रण फेटावे. नंतर एका डब्याला तेल लावून त्यावर मैदा टाकून घ्यावा आणि शिल्लकचा मैदा काढून घ्यावा. तयार बॅटर त्यात ओतून टॅप करून घ्यावे.

नंतर गरम केलेल्या कढईमध्ये हा डब्बा ठेवावा आणि ३५ ते ४० मिनिटे बेक करून घ्यावे. ३५ मिनिटांनंतर टूथपिक टाकून चेक करावे आणि जर टूथपिक काही चिकटले तर ब्राउनी तयार आहे.

नंतर ब्राउनी पूर्णपणे थंड होऊ द्यावी आणि एका बाउल मध्ये ५० ग्रॅम डार्क चॉकलेट घेऊन त्यात २ टेबलस्पून कोमट दूध घालून मिक्स करावे, आणि थंड केलेल्या ब्राउनीला टूथपिक ने छिद्रे पाडून त्यावर तयार साॅस टाकून घ्यावा.

नंतर या ब्राउनीवर व्हाईट चॉकलेट चिप्स टाकावे किंवा तुम्ही ड्रायफ्रूट्स पण टाकू शकता आता तयार ब्राउनीचे काप करून घ्यावेत तयार आहे चाॅकलेट ब्राउनी.