सर्वप्रथम तांदूळ दोन पाण्याने स्वच्छ धुवून घ्यावेत आणि १५ मिनिटे भिजत घालावे. १५ मिनिटांनंतर एका पातेल्यात पाणी उकळायला ठेवावे आणि त्यात थोडे मीठ घालावे आणि भिजत घातलेले तांदूळ घालावे.

नंतर तांदूळ शिजले कि एका चाळणीत ते ओतावे आणि शिल्लक चे पाणी काढून टाकावे आणि लगेच एका प्लेटमध्ये काढून घ्यावे. नंतर एका कढईमध्ये तेल आणि बटर टाकून त्यात मिरचीचे काप, आल्याचे काप टाकावे आणि कांदा टाकून मिक्स करावे कांदा थोडा नरम झाला की त्यात भाज्या घालाव्यात.

आता त्यात बटाटे काप, मटार, कोबी टाकून मिक्स करावे नंतर त्यात सिमला मिरची, गाजर काप घालून मिक्स करावे आणि मंद आचेवर शिजू द्यावे भाज्या छान शिजल्या की त्यात टोमॅटो टाकून मिक्स करावे आणि छान नरम होईपर्यंत परतून घ्यावे.

नंतर त्यात पातीचा कांदा पावभाजी मसाला घालून मिक्स करावे. नंतर तिखट आणि बटर घालून मिक्स करावे, चवीनुसार मीठ घालावे आणि मॅशरने भाज्या मॅश करून घ्यावे आणि तयार केलेला अर्धा भात घालून मिक्स करावे नंतर पूर्ण भात घालून मिक्स करावे. नंतर आवडीनुसार कोंथिबीर घालून मिक्स करावे.

तयार आहे तवा पुलाव. हा पुलाव तव्यावर पण करता येतो मी ही कढईमध्ये केला आहे. यामध्ये लिंबू रस आवडीनुसार घालू शकता.