प्रथम एक कढई गॅसवर ठेवावी, त्यात चमचाभर तूप घालून किसलेला गूळ घालावा व थोडा पातळ झाला की त्यात किसलेले खोबरे घालावे तसेच त्याच्यात भाजलेली खसखस व बदामाची पावडर घालावी व मिश्रण एकजीव करून त्यात मीठ थोडा गूळ आटवावा हो मिश्रणात वेलची पावडर घालावी व गॅस बंद करावा.

एक पातेले गॅसवर ठेवून त्यात 2 कप पाणी ठेवावे त्यातच एक चमचा तूप व चिमुटभर मीठ घालावे व पाण्याला उकळी आली की त्या दोन कप तांदळाचे पीठ घालावे व चांगले ढवळून झाकण ठेवून दोन मिनिटं मंद आचेवर ठेवावे नंतर गॅस बंद करावा

आता उकडलेले पीठ एका भांड्यात घेऊन थंड पाण्याचा हात घेऊन मळून घ्यावे. आता या पीठाचे गोळे करून त्याच्या वाट्या करून त्याचा सारण भरून मोदकाचा आकार द्यावा.

आता गॅस वर एक भांडे ठेवून त्यात पाणी ओतून उकळू द्यावे व त्यावर मोदकाची चाळणी ठेवून व त्यावर झाकण ठेवून मोदक दहा मिनिटे वाफवून घ्यावे व गॅस बंद करुन दहा मिनिटे तसेच ठेवावे.