#KS7
कोबीचे भानोळे, किंवा भानोले, अथवा भानवले...
बाहेर मस्त पाऊस पडत असताना गरमागरम कोबीचे भानोले
काय अप्रतिम लागत पडत्या पावसात चहा सोबत अगदी चविष्ट 😋😋भानोळ्याची पाककृती ही एक कला आहे.तिला कुठल्याच मापदंडाचे बंधन नाही.हाताच्या मुठीवर अंदाजाने जिन्नसांचे प्रमाण घेतले जाते. पदार्थांतील घटक, शिजवण्याची पद्धत आणि परंपरेनुसार अप्रतिम चवीचा पदार्थ तयार होतो.प्रत्येक पदार्थांची एक ओळख असते. भानोळ्याची डिग्निटी सांभाळायची, तिचा आब राखायचा तर ती पारंपरिक पद्धतीने चुलीवर बनवुनच.हो आता आपल्याला थोडी मेहनत जास्त करावी लागते पण अश्या जिभेवर रेंगाळत राहणाऱ्या चवीसाठी काहीही😋😋
हा पदार्थ अगदी गरम वाफाळता असतानाच खायचा तरच त्याची चव भन्नाट लागते. हा पदार्थ स्टीम केला जातो.त्यामुळे आरोग्यदायी आहे. कुठेही तेलाचे प्रमाण जास्त नाही. अनेक पारंपरिक पदार्थांमधे तांदळाचे व ओल्या नारळाचे प्रमाण साहाजिकच अधिक असते...मी खूप पारंपरिक पदार्थ बघते जे आधीच्या पिढीनी खूप विचारपूर्वक बनवले दिसतात ज्याचा आरोग्यावर काही दुष्परिणाम होत नाही.असे जिन्नस घेऊन की जे तुमच्या घरात नेहमी उपलब्ध असतात
कोबीचा हा एक अत्यंत खमंग असा पदार्थ आहे. भानोले, भुजणे,वाफवणे वगैरे भाजून करायचे प्रकार ही एक खासियत आहे. भानोले हा भाजून किंवा वाफवून दोन्ही प्रकारे करता येतो आणि दोन्ही प्रकारे छानच लागतो. वाफवून केला तरी त्याचे तुकडे करून शॅलो फ्राय करू शकता. हा प्रकार लंगडी पातेल्यात खालीवर निखारे ठेवून केला जातो .लंगडी पातेल्यात चारी बाजुनी छान वाफ मिळून पदार्थ मस्त शिजला जातो.भानोल्यात कोबी जास्त हवा.नारळाचे दुधाने कोबीच्या भानोळ्याची चव छान येते.