प्रथम पोहे दोन-तीन पाण्याने स्वच्छ धुऊन घ्या. नंतर त्यात अर्धा इंच पाणी टाकून झाकून पंधरा मिनिटे भिजवून ठेवा. म्हणजे चांगले मऊ होतात.

नंतर त्यात बारीक चिरलेला कोबी, कांदा,धने जीरे ओवा पूड, ठेचलेला लसूण, हिरवी मिरची, हळद,कोथिंबीर, ज्वारी पीठ बायडिंग साठी चवीपुरते मीठ टाका.

मिश्रण मिक्स करून घ्या. कोबित मुळातच पाणी असते. त्यामुळे किंचीत पाणी टाका. थालीपीठा पेक्षा थोडेसे पातळ व डोसा पेक्षा थोडेसे घट्ट असे मिश्रण तयार करा.

गॅसवर पॅन ठेवुन त्यावर एक चमचा तेल पसरवून घ्या. त्यावर डावाने पीठ पसरून घ्या. जाडसर टाकावे. कडेने तेल सोडा व झाकून ठेवा. पहिली बाजू गोल्डन ब्राऊन होईपर्यंत ठेवा. उलटवून दुसरीही बाजू त्याचप्रमाणे भाजून घ्या. अशा रीतीने आपले पोहे कोबीचे रुचकर घावन तयार होतात. कोबीचा उग्र वास अजिबात येत नाही. खुसखुशीत चविष्ट होतात.

टिफिन मध्ये भरताना पोहे, कोबीचे रुचकर घावन थंड करून भरा. सोबत टोमॅटो सॉस द्या. त्याचबरोबर ड्रायफ्रूटस, डाळिंब किंवा दुसरे कुठलेही फळ द्या. मुले व मोठेही खुश... यमी लागतात...