ભાત બનાવવા માટે સેલમ બાસમતી ચોખા ને 4-5 પાણી એ ધોઈ ને પાણી માં 1 કલાક માટે પલાળી દો. હવે એક તપેલી માં પાણી ગરમ કરી તેમાં મીઠું, હળદર, તેલ, લીંબુ નો રસ અને પલાળેલા ચોખા (પાણી નીતર્યા પછી) ઉમેરી ને પાર બોઈલ (75-80% કૂક) કરો. ત્યારબાદ પાણી સ્ટ્રેનર થી નિતારી લો અને ભાત ને ફેલાવી ને ઠંડો પડવા દો.

રેડ ગાર્લિક ચટણી બનાવવા માટે સૌ પ્રથમ સૂકા કાશ્મીરી લાલ મરચાં ને (બીજ કાઢ્યા બાદ) 30 મિનિટ માટે ગરમ પાણી માં પલાળી દો. હવે તેને મીક્ષી જાર માં લઇ તેમાં ઉપર જણાવેલ ચટણી ના બધા ઘટકો ઉમેરી ને વાટી લો અને પેસ્ટ બનાવી લો. રેડ ગાર્લિક ચટણી તૈયાર છે. મારા શહેર સુરત માં તવા પુલાવ સાથે ગાર્લિક કરી સર્વ કરવા માં આવે છે જે બનાવવા માટે તવા માં 1 tbsp તેલ ગરમ કરી તેમાં 3-4 tbsp રેડ ગાર્લિક પેસ્ટ, 1/2 કપ પાણી અને જરૂર મુજબ મીઠું ઉમેરી તેલ છૂટું પડે ત્યાં સુધી કકળાવો. કરી તૈયાર છે.

હવે તેમાં ગરમ મસાલો, પાવ ભાજી મસાલો, કાશ્મીરી લાલ મરચું અને સ્વાદ પ્રમાણે મીઠું ઉમેરી ને મિક્સ કરો. ત્યારબાદ તેમાં સોયા ચંક્સ ઉમેરી ફરી મિક્સ કરો અને 2 મિનિટ માટે કૂક કરો. તવા સબજી તૈયાર છે. તેમાં ભાત ઉમેરી ચોખા નો દાણો તૂટે નહીં એ રીતે ધ્યાન રાખી મિક્સ કરો અને છેલ્લે લીંબુ નો રસ ઉમેરી મિક્સ કરી 3-4 મિનિટ માટે કૂક કરો. તવા પુલાવ તૈયાર છે.

સ્મોકી ફ્લેવર માટે ગેસ ઉપર કોલસા ના ટુકડા ને એકદમ લાલ ગરમ કરો અને તવા પુલાવ ની ઉપર કોબીજ નું પત્તુ ગોઠવી તેની ઉપર ગરમ કોલસો મુકો. કોલસા ઉપર ઘી રેડી ને 5-7 મિનિટ માટે ઢાંકણ થી ઢાંકી દો.

સ્વાદિષ્ટ સ્મોકી ફ્લેવર વાળો સ્ટ્રીટ સ્ટાઇલ અંગારા સોયાબીન કોર્ન તવા પુલાવ તૈયાર છે. કોથમીર થી ગાર્નિશ કરો અને ઈચ્છા મુજબ પ્લેટિંગ કરો. તેને પાપડ, બૂંદી નું રાઇતું, રેડ ગાર્લિક કરી તથા સલાડ સાથે ગરમા ગરમ સર્વ કરો.