સૌ પ્રથમ ચણા ની દાળ અને અડદ ની દાળ ને 5-6 વાર પાણી થી ધોઈ ને 7-8 કલાક માટે પાણી માં પલાળી રાખો. દાળ વાટવા ના 15 મિનિટ પેહલા પૌવા ને પાણી થી ધોઈ ને પાણી માં પલાળી દો. ત્યારબાદ પૌવા ને મીક્ષી જાર માં પીસી લો. હવે પલાળેલી દાળ નિતારી ને મીક્ષી જાર માં લઇ લો. પાણી ને ફેંકવાનું નથી. દાળ વાટતી વખતે આજ પાણી ઉમેરી ને દાળ પીસી લો.

હવે એક એર ટાઈટ ડબ્બા માં વાટેલા પૌવા અને વાટેલી દાળ ઠાલવી ને તેમાં બેસન, ચપટી હળદર, સ્વાદ પ્રમાણે મીઠું અને લીંબુ નો રસ ઉમેરી બધું હાથ વડે મિક્સ કરી લો (એક જ દિશા માં હલાવવું). હવે ડબ્બા ને બંધ કરી ને હુંફાળી જગ્યા એ 8-10 કલાક માટે આથો લાવવા માટે મૂકી દો. આથો આવ્યા પછી તેમાં આદુ-મરચાં ની પેસ્ટ, હિંગ ઉમેરી મિક્સ કરો. લોચા નું ખીરું તૈયાર છે.

લોચા મસાલો બનાવવા માટે ઉપર જણાવેલ બધા ઘટકો લઇ ને બરાબર મિક્સ કરો. લોચા મસાલો તૈયાર છે.

હવે આ બેટર ને સ્ટીમર માં ગ્રીઝ કરેલી ટ્રે માં રેડી દો અને સ્ટીમર નું ઢાંકણ ઢાંકી ને 15 મિનિટ માટે મીડીયમ ફ્લેમ પર સ્ટીમ થવા દો. સ્ટીમર નું ઢાંકણ વચ્ચે થી ખોલવું નહિ.15 મિનિટ પછી લોચા ને સેર્વિંગ પ્લેટ માં લઇ તેની ઉપર ગાર્નિશિંગ માટે ઉપર જણાવેલ ઘટકો વડે ગાર્નિશ કરો. સુરતી લોચો તૈયાર છે.

તો તૈયાર છે સુરતી સ્પેશ્યલ લાજવાબ સુરતી લોચો. ઈચ્છા મુજબ પ્લેટિંગ કરો. તેને ચટણી, કાંદા, તળેલા મરચાં તથા ચા - કોફી સાથે ગરમા ગરમ સર્વ કરો.