सर्वप्रथम वांग्या मध्ये भरण्यासाठी लागणाऱ्या मसाल्याचे साहित्य तयार करून घेऊया...
त्यासाठी पॅनमध्ये शेंगदाणे घालावे व शेंगदाणे चांगले भाजून घ्यावेत. नंतर ते प्लेटमध्ये काढून त्याची साले काढून घ्यावी. आता त्याच पॅनमध्ये खोबरा कीस, तीळ हे देखील खरपूस भाजून घ्यावे. त्यातच अद्रक लसूण घालावे व एक दोन मिनिटे परतून घेतल्यानंतर त्यातच कोथिंबीर घालावी व एक मिनिटे परतून घेऊन गॅस बंद करावा. व मसाला थंड करायला ठेवावा.

थंड केलेल्या मिश्रणामध्ये शेंगदाणे घालावे.व मिक्सर मधून बारीक वाटण तयार करून घ्यावे.

आता या बारीक केलेल्या मिश्रणात बाकीचे सुके जिन्नस घालावे..
जसे तिखट, धनेपावडर, जिरापावडर, हिंग, गोंडा मसाला, बारीक चिरलेला कांदा, कोथिंबीर, चवीनुसार मीठ, हळद, बेसन घालून चांगले मिक्स करून घ्यावे. नंतर त्यामध्ये २-३ टेबलस्पून तेल घालून परत एकदा चांगले मिक्स करावे.

आता पॅनमध्ये तेल घालावे. तेल गरम झाले की मोहरी घालावी. मोहरी तडतडली की त्यात कढीपत्ता घालावा व उरलेला जो मसाला आहे तो मसाला तेलात घालुन चांगला परतुन घ्यावा. आवश्यकतेनुसार किंचित पाणी घालावे. थोडा मसाला परतून घेतला की त्यामध्ये भरलेली वांगी घालावी व झाकण ठेवून दोन ते तीन मिनिटे ही वांगी होऊ द्यावी. नंतर हलक्या हाताने वांग्याची बाजू पलटवून परत झाकण ठेवून, दोन-तीन मिनिटे होऊ द्यावे. किंचीत परत पाणी घालून झाकण ठेवून वांगी शिजू द्यावी.

वांगी 70% शिजली की, त्यामध्ये आवश्यकतेनुसार गरम पाणी घालावे व परत झाकण ठेवून शिजू द्यावी. चवीनुसार मीठ घालावे. (मीठ घालताना थोडे बेतानेच घालावे. कारण मसाल्यामध्ये देखील आपण मीठ घातलेले आहे)

भाजीला उकळी आली की, त्यामध्ये कोथिंबीर घालावी. गरम मसाला घालावा व गरमागरम *भरली वांगी विथ ग्रेव्ही* चपाती सोबत, वाफाळलेल्या भातासोबत, भाकरी सोबत सर्व्ह करावी.. 💃 💕