प्रथम बेसन चाळून बाजूला ठेवावे.

आता खमण बॅटर बनवण्यासाठी, एका भांड्यात पाणी, मीठ, तेल, लिंबूचा रस आणि साखर हे साहित्य एकत्र करावे. वरील साहित्यात थोडे थोडे करुन बेसन घालून सतत ढवळत रहावे. (जेणेकरुन बॅटर मधे गुठळ्या राहणार नाही) तयार केलेले बॅटर १०-१५ मिनीटे झाकून ठेवावे.

१० मिनीटांनी खमण बॅटर मधे १ टी स्पून बेकिंग सोडा घालून चांगले फेटावे, म्हणजे बॅटर हलके आणि स्पंजी होते.

आता बेकिंग ट्रे ला तेलाचा हात लावून त्यात खमण बॅटर भरुन स्टीमरमध्ये मध्यम आचेवर २० मिनीटे शिजवावे.

खमण वाफवून झाले कि तास दोन तास थंड करण्यासाठी स्टीमर मधून बाहेर काढून ठेवावे.

आता तडका तयार करण्यासाठी एका कढईत तेल गरम करुन त्यात हिंग, राई, हिरव्या मिरच्या आणि कडीपत्ता पाने घालून तडतडू द्यावे मग तयार तडका थंड झालेल्या खमणवर चमच्याने व्यवस्थित पसरवणे.