प्रथम बेसन पीठ चाळून बाउल मध्ये ठेवणे. नंतर दुसर्‍या बाउल मध्ये पाणी, लिंबू सत्व, साखर, मीठ, तेल हे सगळे मिसळून घेणे.

नंतर हे मिश्रण मिक्सर भांड्यात घेणे. त्यात बेसन पीठ घालून सगळे फिरवून घेणे. म्हणजे त्यात गाठी राहणार नाहीत. आता हे बॅटर बाउल मध्ये काढून घेणे. व त्यात चवीनुसार हिरवी मिरची, लसुण, आले पेस्ट घालावी.व येक जीव करून 10 मिनीट झाकून ठेवावे.

आता गॅस वर कढई ठेवावी. त्यामध्ये पाणी घालावे व एक स्टंट ठेवून त्यावर झाकण ठेवावे. पाच मिनिट कढाई गरम करून घेणे.नंतर वरील झाकण काढावे.आता खोलगट थाळी घेऊन त्याला तेल लावून घेणे.आता तयार बॅटर मध्ये अर्धा चमचा खायचा सोडा घालून ते मिश्रण एकाच बाजूने हलवून घेणे. मिश्रण हलके होऊ लागते हे मिश्रण लगेचच तेल लावलेल्या थाळीमध्ये घालून घेणे.आता ही थाळी कढई मध्ये ठेवावी त्यावर झाकण ठेवून पंधरा ते वीस मिनिट वाफवून घेणे.

नंतर वेळ झाली की गॅस बंद करावा. सुरीने ढोकळा शिजला आहे की नाही हे पहावे.ढोकळा थंड होण्यास ठेवून देणे.आता कढईमध्ये तेल घालून त्यात जीरे,मोहरी,हिंग कढीपत्ता,मिरचीचे तुकडे याची खमंग फोडणी करून घेणे आता त्यामध्ये अर्धा कप पाणी घालून उकळी काढून घेणे.त्यातच एक चमचा साखर मीठ व लिंबूरस घालावा आता ही फोडणी तयार ढोकळ्यावर घालून घेणे.

वरून कोथिंबीर घालून ढोकळा कट करून घेणे. मस्त असा खमंग आणि हलका असा ढोकळा तयार होतो. मस्त हिरवी चटणी सोबत खाण्यासाठी देणे.