प्रथम कांदा पात स्वच्छ पाण्याने धुवून चिरून घ्यायची.मिरची आणि टोमॅटो चिरून घ्यायचे व लसूण ठेचून घ्यायचा.

चण्याची डाळ स्वच्छ पाण्याने धुवून थोड मीठ टाकून त्यामध्ये पाणी टाकून शिजवून घ्यायची. शिजवताना जास्त कोरडी करू नये.थोड पाणी असूद्या.म्हणजे भाजी कोरडी होत नाही.

गॅस वर एक कढईत ठेवून त्या मध्ये तेल गरम करून घ्या व मोहरी टाका.मोहरी तडतडल्यावर त्यामध्ये हिरवी मिरची आणि लसूण टाकून भाजून घ्या.

त्यानंतर यामध्ये हळद व कापलेली कांदा पात व डाळ टाकून चांगले परतून घ्या.

डाळ आपण आधीच शिजवलेली असल्यामुळे ही भाजी शिजायला जास्त वेळ लागत नाही.फक्त एक लक्षात ठेवा.जास्त कोरडी करू नका.ही भाजी थोडी ओलसर छान लागते. पाणी पूर्ण सुकले असेल तर एक, दोन पाण्याचे हबके मारा.तुमची भाजी खाण्यासाठी तयार आहे.ही भाजी तांदळाच्या भाकरी सोबत छान लागते.