સૌપ્રથમ એક કડાઈમાં તલ લઈ ગેસ ઉપર મૂકી ધીમા તાપે શેકી લેવા.એક થાળીમાં ઠંડા કરવા મૂકવું. પછી ફરી કડાઈમાં કાજુ બદામ પિસ્તા ના ટુકડા નાખી ધીમા તાપે થોડા બે-ત્રણ મિનિટ ગરમ કરી લેવા.

(મારી પાસે સુકી ગુલાબની પત્તીઓ નતી તેથી મેં કાજુ બદામ પિસ્તા સાથે આમાં તાજા ગુલાબની પત્તીઓ નાખી છે.) જો તમારી પાસે સુકી ગુલાબ ની પત્તી હોય તો ગરમ કરતી વખતે ના નાંખવી. બે-ચાર મિનિટ ગરમ કરી એને પણ ઠંડુ કરવા એક ડિશમાં કાઢી લેવું.

તલ અને ડ્રાયફ્રૂટ ઠંડા થઈ જાય પછી બે બટર પેપર લઈ બંનેમાં એક સાઈડે ઘી લગાવી લેવું. પછી એક કડાઈમાં ૨-૩ ચમચી ઘી લઇ ગેસ ઉપર ધીમા તાપે મૂકવું.ઘી ઓગળી જાય એટલે તેમાં ગોળ નાખવો.ગોળને સતત હલાવતા રહેવું.

ગોળ નો કલર બદલાઈ જાય તેની પાઈ આવી જાય એટલે તેમાં તલ, ડ્રાયફ્રુટ અને ગુલાબ ની પત્તી નાખી અને બરાબર મિક્સ કરવું.

બે-ત્રણ મિનિટ ગેસ પર રાખી ઉતારી ઘી લગાવેલા બટર પેપર ઉપર નાખવું.તેના ઉપર ઘી લગાડેલી બીજું બટર પેપર મૂકી વેલણથી વણી લેવું.

બે-ત્રણ મિનિટ પછી થોડું ઠંડું થઈ જાય એટલે ચપ્પાથી ચીક્કી ને તમારા મનપસંદ આકારમાં પીસ કરી લેવા.અને 1/2 કલાક ઠંડી થવા દેવી. તો ખાવા માટે તૈયાર છે તલ ડ્રાયફ્રૂટ્સની ચિક્કી.