اولا انا جبت الكوارع وخليت الجزار نضفها وقطعها قطع صغيرة

وبعدين خدتها غسلتها بشوية ملح وخل ودقيق ونقعتهم مع بعض حوالي ١/٢ ساعة وبعدين غسلتهم كويس بمية بس وسيبتهم يتصفوا

وجبت حلة على النار فيها الماء والبصلة مقطعة اربع والثوم المقطع والحبهان وورق اللورا والفلفل الاسود ولما غليت الماية كويس حطيت الكوارع والسكر وطبعا الملح لما الكوارع تقرب تستوي

وفي حلة تانية جبت الزيت وحمرت الثوم وحطيت شوية خل و والطماطم وملح وفلفل أسود وحبهان ولورا وسيبتهم يتسبكوا كويس اوي وبعدين خفيتها بشوية شوربة من بتاعة الكوارع

ولما الكوارع استوت حطيت لها الملح وغليتها اوي وبعدين نقلت الكوارع في الصلصة اللي انا عملتها وغليتهم مع بعض لحد ما خدت طعم الصلصة

وبالهنا والشفا 😗