طريقة عمل مكدوس الباذنجان 🍆🍆
هي الوصفه رح نزل طريقتها لعيون الأخت ( أميرة بأخلاقي) إن شاء الله تعجبكن وتستفادو منها❤❤ #كوكباد_يجمعنا ❤
طريقة عمل مكدوس الباذنجان 🍆🍆
هي الوصفه رح نزل طريقتها لعيون الأخت ( أميرة بأخلاقي) إن شاء الله تعجبكن وتستفادو منها❤❤ #كوكباد_يجمعنا ❤
الخطوات
- 1
بسم الله الرحمن الرحيم🌷 اول شي بزيل قمع الباذنجان الأخضر وبغسلو وبحطو بطنجرة او سطل ستانلس وبغمرو بالماء وبكبسو مشان مايطلعو حبات الباذنجان على وجه الماء ويصير لونن اسود بشغل الغاز يكون النار تحتو قويه بس يبلش يغلى بدو مابين ال20 دقيقه لل 30 دقيقه حسب كيف بتحبو يكون مستوي او ماسك حالو انا بحبو مستوي 🌷 بس اتأكدت انو استوى بسمي بالله وبفضي عنو الماء الساخنه وبفتح عليه الماء البارد بس يبرد الباذنجان بلش ملحو بفتح حبة الباذنجان من على طرف وبعبي قلبها ملح خشن وبصفو بالمصفايه فوق بعضو لتخلص الكميه
- 2
بحط على وجهو صينية وبتقل عليه اول شي تتقيل خفيف بعدين بزيد التقل عليه وكل 6 ساعات بقلب الباذنجان وبرجع بتقل عليه بدو اول يوم والتاني بس اتأكد نشف من الماء عالآخر بشيلو وبفردو بصينية بخلي شي ساعة عالهواء يتنشف هيك بكون شكلو بعد الكبس جاهز للحشوة
- 3
منبلش بالحشوة انا بفضل الفليفلة الحمرة لمجففه هيك اذا في ماء الباذنجان بتسحبها الفليفلة ومابحمض بخلط لفليفله مع الجوز المفروم والثوم ومعلقة الملح وكوب الزيت المازولا وبقلبهن كتير منيح وبحشي حبات المكدوس وبصفو بالمطربان وبس خلص انا بخلط نص زيت زيتون ونص زيت مازولا وبغمر الباذنجان وهيك بدو اسبوع بكون صار جاهز للأكل😋 بدو تعب بس بيستاهل من اطيب انواع الحواضر على سفرة لفطور
- 4
بتمنى كون قدرت فيدك اخت أميرة بأخلاقي وبتشكرك للثقة المنحتيني ياها 😘😘
- 5
انا بوقت موسم المكدوس مابحشي كل الكمية بشيل منها بالفريزة وقت بحتاج بنزلها وبحشيها هيك بضل الطعم أطيب 😋
وصفات مشابهة
-
-
-
-
طريقة عمل فتة المكدوس طريقة عمل فتة المكدوس
لعمل قلية اللحمة، في مقلاة ساخنة توضع ملعقة الزيت وتقلب اللحمة على نار عالية حتى لاتخرج خواصها
-
المكدوس المفروم 🍆 المكدوس المفروم 🍆
#تحضيرات_رمضان 💚🇸🇾 هي تاني مرة بعملو مفروم وطعمو نفس طعم الحبة الكاملة عندي الباتنجان بالفريزة وحبتو كتير صغيرة كتير بعذب بالحشوة ومارح ياخد قلبو الكمية الكافية من لفليفلة والجوز لهيك حبيت افرمو فرم 😋 👌💯
-
-
وصفات ننصحك بمشاهدتها
التعليقات (76)