સૌ પ્રથમ એક મોટા વાટકા માં ચણા નો લોટ લઇને તેમાં કાપેલી ડુંગળી,હળદળ, લાલ મરચું,ધાણા જીરું,અજમો, વાટેલા મરચાં- આદુ, મોણ માટે થોડું તેલ, કાપેલા લીલા ધાણા, ખાવા નો સોડા અને મીઠું સ્વાદ મુજબ ઉમેરી પકોડા માટે નું ખીરું તૈયાર કરી લેવું. હવે તેલ માં ઘીમાં તાપે પકોડા તળી લેવા.

હવે એક તપેલીમાં કઢી માટે દહી,ચણાનો લોટ અને પાણી મીક્ષ કરી લેવું. કઢી ના વઘાર માટે એક નાની કઢાઈ માં તેલ ગરમ કરી તેમાં વધાર માટે નું લાલ મરચું, રાઇ, જીરું, હિંગ, લીમડા ના પાન, લવીંગ અને કાપેલી ડુંગળી સાંતળી લેવી પછી તેમાં વાટેલા મરચાં-આદુ, હળદળ, લાલ મરચું પાવડર, ધાણા જીરું પાવડર ઉમેરી બરાબર હલાવી લેવું ને કઢી માં ઉમેરી દેવું.

હવે કઢી ને ગેસ પર મૂકી ઘીમાં તાપે ઉભરો આવે ત્યા સુધી હલાવવી પછી તેમાં સ્વાદ મુજબ મીઠું ઉમેરી દેવું. હવે કઢી ને ગેસ પર થી ઉતારી લઇ તેમાં પકોડા ઉમેરી દેવા. જમતા સમયે ફરી ગરમ કરી ઉપર થોડા લીલા ધાણા થી સજાવી કઢી પકોડા પીરસવા.