સૌપ્રથમ જલેબી ને મિક્સરમાં ક્રશ કરી લો.

ત્યારબાદ ગાંઠિયાને કશ કરી લઇએ. હવે બંનેને મિક્સ કરી લો. ત્યારબાદ એક બાઉલમાં મેંદા નો લોટ લઈ તેમાં સ્વાદાનુસાર મીઠું ઉમેરો હવે ઘી ગરમ કરી તેમાં ઉમેરો હવે તેને બરાબર મિક્સ કરો. ત્યારબાદ જરુર મુજબ પાણી ઉમેરીને લોટ તૈયાર કરો. હવે તેને ૧૦ મિનિટ માટે સાઇડ પર મૂકી દો.

તૈયાર કરેલ મસાલા માંથી નાના ગોળા વાળી લો. હવે તૈયાર કરેલ લોટ માંથી લૂઓ લઈ તેને હાથ વડે થેપી ને વચ્ચે તેમાં મસાલાનો ગોળો મૂકી તેને બઘી બાજુથી કવર કરી ગોળ તૈયાર કરો.

હવે એક પેનમાં તેલ ગરમ કરી તેમાં તૈયાર કરેલ કચોરી મિડિયમ આંચ પર તળો. આ રીતે બઘી કચોરી મિડિયમ આંચ પર તળો. તૈયાર છે સ્વાદિષ્ટ જામનગર સ્પેશિયલ કચોરી. આ કચોરી ૧ મહિના સુધી સરસ રહે છે.