સૌ પ્રથમ એક બાઉલ માં મેંદો લો.ત્યાર બાદ તેમાં મીઠું અને તેલ નાખો.હવે થોડું થોડું પાણી ઉમેરી ને પરોઠા જેવો લોટ બાંધી લો.તેને ઢાંકી ને ૧૦ મિનિટ માટે રેસ્ટ આપો.

હવે સ્ટફિંગ માટે એક કડાઈમાં ધાણા,વરિયાળી અને તલ ને ધીમા તાપે ગુલાબી શેકી લો.ત્યાર બાદ તેને મિક્સર માં અધકચરું પીસી લો.ગાંઠિયા ને પણ મિક્સર મા પલ્સ મોડ મા પીસી લો.

હવે એક બાઉલમાં પીસેલા ધાણા નું મિશ્રણ અને પીસેલા ગાંઠિયા લઈ લો.ત્યાર બાદ તેમાં મરચું,મીઠું,દળેલી ખાંડ,ગરમ મસાલો ઉમેરો.ત્યાર બાદ તેમાં આંબલી નો પલ્પ નાખો.

હવે બધું બરાબર મિક્સ કરી લો.જો મિશ્રણ નો ગોળો ન બને તો ૧ થી ૨ ટી સ્પૂન તેલ ઉમેરવું.ત્યાર બાદ તેમાંથી નાની સાઇઝ ના ગોળા બનાવી લો.આવી રીતે બધા ગોળા બનાવી લો.

હવે બાંધેલા લોટ ને મસળી ને તેમાંથી થોડો મોટો લુવો લો.તેમાંથી થોડી જાડી પૂરી વણી લો.હવ તેમાં વચ્ચે સ્ટફિંગ નો ગોળો મૂકો.પછી તેને કચોરી ની જેમ વાળી ને બધી બાજુ થી સીલ કરી લો અને ઉપર થી વધારાનો લોટ કાઢી લો અને પાણી લગાવી દો અને હથેળી થી ગોળ ફેરવી લો. એટલે બોલ જેવો શેપ આવી જશે.

આવી રીતે બધી કચોરી તૈયાર કરી લો.હવે તેને તેલ ગરમ કરી ને ધીમા તાપે તળી લો જેથી બહાર ન પડ એકદમ ક્રિસ્પી બનશે.આવી રીતે બધી કચોરી ગુલાબી રંગ ની તળી લો.

નોંધ: મે અહીં ડ્રાય ફ્રુટ નથી ઉમેર્યા જો ઉમેરવા હોય તો કાજુ અને કીસમીસ ઉમેરી શકાય.