બટેટાને સુધારીને મધ્યમ સાઇઝના ટુકડા કરો. કુકરમાં તેલ ગરમ કરવા મૂકી તેલ ગરમ થાય એટલે પહેલા મરચામા ઉભી ચીર કરી મરચા તળી લો. હવે મરચા કાઢી જીરા, હીંગ અને લીમડાનો વઘાર કરો. પછી બટેટા નાખો. મીઠું અને હળદર નાંખી હલાવો ધીમા તાપે ચડવા દો.

દહીં તીખારી માટે.. એક નાના પેનમાં તેલ ગરમ કરવા મૂકો પછી તેમાં ઘી ઉમેરો. તેલ+ઘી ગરમ થાય એટલે જીરુ, હીંગ, મરચા અને લીમડાના કટકા, લસણની પેસ્ટ વારાફરતી નાખો. બહુ જ સરસ સુગંધ આવશે. હવે ગેસ બંધ કરી તેમાં દહીં, મીઠું, લાલ મરચું નાંખી હલાવો.

બટેટાના કૂકરમાં બીજા બધા મસાલા નાંખી સરસ હલાવી ૨ મિનિટ પકાવો. રોટલાની તાવડી ગરમ કરવા મૂકી કાથરોટમાં લોટ અને મીઠું નાખો. કૂકરને ઢાંકણ બંધ કરી ૩ વ્હીસલ કરો. રોટલા બનાવવાનું ચાલુ કરી કરો. રોટલા પણ બની જશે અને કૂકરની વ્હીસલ થઇ વધારાની હવા પણ નીકળી જશે. પ્રેઝન્ટેશન પણ સીમ્પલ અને ફટાફટ થઇ જાય એવું જ કર્યું છે.