કઢી નું બેટર બનાવવા માટે ખાટી છાસ માં ચણાનો લોટ અને મીઠું ઉમેરી બરાબર રીતે મિક્સ કરી લેવાનું છે.

એક કડાઈમાં તેલ ગરમ મૂકી તેમાં રાઈ, જીરું, તજ, લવિંગ, હીંગ, તમાલપત્ર અને સૂકું લાલ મરચું ઉમેરવાનું છે.

ત્યારબાદ તેમાં લીલા મરચાના ટુકડા, આદુના ટુકડા અને લીમડો ઉમેરી તેનો પણ વધાર કરવાનો છે.

હવે તેમાં તૈયાર કરેલું કઢી નું બેટર ઉમેરી બરાબર રીતે મિક્સ કરી લેવાનું છે.

લાલ મરચું પાઉડર, હળદર અને ધાણાજીરું ઉમેરવાનું છે.

ત્યારબાદ તેમાં ગોળ અને પા કપ જેટલું પાણી ઉમેરવાનું છે અને કઢીને ઉકળવા દેવાની છે.

ડબકા બનાવવા માટે ચણાના લોટમાં સમારેલી કોથમીર અને મરચાં ઉમેરવાના છે.

ત્યારબાદ તેમા ભાત, લાલ મરચું પાઉડર, હળદર, મીઠું અને સાજી ઉમેરી બધું બરાબર રીતે મિક્સ કરી, ડબકા વળે તેટલું પાણી ઉમેરવાનું છે.

બધુ બરાબર મિક્સ કરી તેમાંથી ડબકા બનાવવાના છે.

આ ડબકા ને ઉકડતી કઢીમાં ઉમેરવાના છે અને કઢીને બે ત્રણ મિનિટ માટે ઉકડવા દેવાની છે જેથી ડબકા તેમા જ ચડી જશે.

તો અહીંયા ડબકા વાળી કઢી તૈયાર છે જેના પર કોથમીર છાંટી ને સર્વ કરી શકાય.

મેં અહીંયા ડબકા કઢીને રોટલી અને ભાત સાથે સર્વ કરી છે.

આ કઢી ના ડબકા ખાવાની કંઈક અનોખી જ મજા આવે છે.