સૌ પ્રથમ એકદમ કાચી રાજાપુરી કેરી લઈ તેને બરાબર ધોઈ અને લૂછીને કોરી કરી લો. પછી તેની છાલ કાઢીને મોટી છીણીથી છીણી લો... છીણ મોટું અને થોડું જાડું હોય તો છૂંદો એટલો જ સરસ બનશે.

છીણને એક તપેલીમાં ભેગું કરો. પછી તેમાં સ્વાદાનુસાર મીઠું ઉમેરો. પછી તેમાં જેટલું છીણ હોય એટલી અથવા એનાથી થોડી વધારે ખાંડ નાખી બરાબર મિક્ષ કરી લો. મેં ખાંડ કેરી કરતા થોડી વધારે નાખી છે.... પછી તેને બરાબર હલાવીને એક આખો દિવસ રાખી મુકો અને ખાંડ પૂરેપૂરી ઓગળે ત્યાં સુધી રાહ જુઓ.

બીજે દિવસે ખાંડ ઓગળી ગઈ એ ચેક કરીને જ ગેસ પર ગરમ કરવા મુકો. પછી તેના વઘારની તૈયારી કરો. વઘારીયું ગરમ કરવા મુકો,તેમાં તેલ નાખી ગરમ થવા દો. પછી તેમાં વઘારના લાલ મરચાં,રાઇ,લવિંગ અને તજ નાખી રાઇ તતળે એટલે વઘાર છુંદા માં નાખી દો.

પછી બરાબર મિક્ષ કરીને છીણ ચઢી જાય ત્યાં ગેસ પર ગરમ થવા દેવો. પછી તેમાં લાલ મરચું પાઉડર પોતાના ટેસ્ટ મુજબ ઉમેરીને બરાબર હલાવી ૫ મિનિટ રાખીને ગેસ બંધ કરીને છૂંદો ઠંડો પડવા દેવો.... છૂંદો બનતા ૨૫ થી ૩૦ મિનિટ થશે. સંપૂર્ણ ઠંડો પડ્યા પછી જ તેને બરણી માં ભરવો.