નાચોસ ચિપ્સ બનાવવા માટે:
એક મોટા બાઉલમાં મકાઈનો લોટ અને મેંદો લેવાનો છે. તેમાં ચીલી ફ્લેક્સ, ઓરેગાનો, લાલ મરચું પાવડર, ચપટી હળદર અને સ્વાદ અનુસાર મીઠું ઉમેરવાનું છે.

તેમાં તેલ અને બટર ઉમેરી બરાબર રીતે મિક્સ કરી લેવાનું છે. હવે તેમાં થોડું-થોડું પાણી ઉમેરતા જઈ નરમ લોટ બાંધી લેવાનો છે.

હવે આ લોટના લૂવા બનાવી મોટી રોટલી જેવું વણી તેના ઉપર કાંટા વડે થોડા કાપા કરી લેવાના છે.

એક નોનસ્ટિક લોઢી ને ગરમ કરી તેના પર તૈયાર કરેલી સીટને બંને બાજુથી થોડી શેકી લેવાની છે. પછી પીઝા કટર વડે તેને ત્રીકોણમાં કટ કરી લેવાની છે.

બેકિંગ સીટ પાથરી બેકિંગ ટ્રે તૈયાર કરી લેવાની છે. તેના પર આ કટ કરેલા ત્રિકોણ મૂકવાના છે અને તેને 180 ડીગ્રી પર 12 મીનીટ માટે બેક કરવાના છે. જેથી આપણી નાચોસ ચિપ્સ તૈયાર થઈ જશે.

સાલસા બનાવવા માટે:
એક બાઉલમાં સમારેલા ટમેટા અને સમારેલા લીલા અને પીળા કેપ્સીકમ ઉમેરવાના છે.

હવે તેમાં સમારેલા કાંદા બાફેલા સ્વીટ કોર્ન અને સમારેલા કોથમીરના પાંદડા ઉમેરવાના છે.

હવે તેમાં રેડ ચીલી ફ્લેક્સ ઓરેગાનો ગ્રીન હર્બ્સ ચાટ મસાલા મીઠું સ્વાદ અનુસાર અને લીંબુનો રસ ઉમેરવાના છે. બધુ બરાબર રીતે મિક્સ કરી સાઈડ પર રાખી દેવાનું છે.

ચીઝ સોસ બનાવવા માટે:
એક કડાઈમાં બટર ગરમ કરી તેમાં દૂધ ચીઝ, હળદર અને સ્વાદ અનુસાર મીઠું ઉમેરવાનું છે. ચીઝ ઓગળે ત્યાં સુધી તેને ધીમા તાપે હલાવતા રહેવાનું છે. હવે તેમાં કોર્ન સ્ટાર્ચ સ્લરી ઉમેરી સોસ થોડો થીક થાય ત્યાં સુધી કુક કરવાનું છે. જેથી ચીઝ સોસ તૈયાર થઈ જશે.

નાચોસ ગોઠવવા માટે:
એક સર્વિંગ પ્લેટમાં નાચોસ ચીપ્સ મૂકવાની છે. હવે તેના પર તૈયાર કરેલું સાલસા ઉમેરવાનું છે.

તેના પર તૈયાર કરેલા ચીઝ સોસ અને બ્લેક ઓલીવ્સ વડે ટોપિંગ કરવાનું છે.

જેથી આપણા ચીઝી લોર્ડેડ નાચોસ સર્વ કરવા માટે તૈયાર થઇ જશે.