એક કડાઇમાં ઘી તેલ ગરમ મૂકી તેમાં જીરું, તજ, લવિંગ, ઇલાયચી તમાલપત્ર, મરી ઉમેરો. ત્યારબાદ તેમાં ડુંગળીના મોટા ટુકડા અને લસણ ઉમેરીને બે મિનિટ માટે કુક થવા દો.

હવે તેમાં આદુ-મરચાની પેસ્ટ, કાજુના ટુકડા અને ટમેટાના મોટા ટુકડા ઉમેરો. 1/4 કપ પાણી, હળદર અને મીઠું સ્વાદ અનુસાર ઉમેરી ટામેટાં નરમ થઈ જાય ત્યાં સુધી તેને કુક થવા દો. ત્યારબાદ ગેસ ઑફ કરી તેને સાવ ઠંડું થઇ જવા દો.

મિક્સર ની જારમાં આ તૈયાર કરેલા મિશ્રણને ઉમેરી તેની પ્યુરી બનાવી લો. આ પ્યુરીને સાઈડ પર રાખી દો.

એક બાઉલમાં બાફીને મેશ કરેલું બટાકુ લઈ તેમાં પનીર અને ચીઝ ઉમેરો.

હવે તેમાં સમારેલા લીલા મરચા, લીલા ધાણા અને મરી પાઉડર ઉમેરો.

સ્વાદ અનુસાર મીઠું, કસૂરી મેથી અને કોર્ન ફ્લોર ઉમેરો.

બધુ બરાબર રીતે મિક્સ કરી હાથથી તેના નાના બોલ્સ બનાવો. આ બોલ્સને કોર્ન ફ્લોર સાથે રગદોળી લો.

એક કડાઈમાં તેલ ગરમ કરી તેમાં આ તૈયાર કરેલા બોલ્સને મીડીયમ ટુ હાઈ ફ્લેમ પર તળી લો. જેથી આપણા ક્રિસ્પી અને ચીઝી કોફતા તૈયાર થઈ જશે.

એક કડાઈમાં ઘી અને તેલ મિક્સ માં ગરમ કરી તેમાં જીરું, ખમણેલું લસણ અને સમારેલા કાંદા ઉમેરો.

હવે તેમાં સમારેલા લીલા મરચા ઉમેરી બધું બરાબર રીતે સાંતળી તેમાં લાલ મરચું પાઉડર, હળદર અને ધાણાજીરું ઉમેરી બરાબર રીતે મિક્સ કરો.

હવે તેમાં તૈયાર કરેલી ટામેટાં ડુંગળીની પ્યુરી ઉમેરી બરાબર રીતે મિક્સ કરી 5 થી 7 મીનીટ માટે હાઇ ફ્લેમ પર કુક કરો.

ગરમ મસાલો, કસુરી મેથી અને સ્વાદ અનુસાર મીઠું ઉમેરી બરાબર રીતે મિક્સ કરો.

ગેસની ફ્લેમ ઓફ કરી લીલા ધાણા વડે ગાર્નિશ કરી ગરમાગરમ ગ્રેવી, સબ્જીને સર્વ કરવા માટે તૈયાર રાખો.