सर्वप्रथम आपण एका भांड्यामध्ये कॉर्नफ्लॉवर व साखर एकत्र करून घ्यावी. ते व्यवस्थित मिक्स करून घ्यावे.आता त्यामध्ये दोन वाट्या दूध टाकून गुठळ्या न होऊ देता एकत्र मिक्स करायचं आहे. त्याची एक प्रकारची पेस्ट तयार झाली पाहिजे.

हे मिश्रण एकत्र करून झाल्यानंतर आपल्याला ते गॅस वरती ठेवायचं आहे.आणि सतत ढवळत राहायचं आहे. म्हणजे त्याच्या गुठळ्या होणार नाही. ते व्यवस्थित एक पेस्टमध्ये तयार होईल. पाच मिनिटांमध्ये हे मिश्रण घट्ट व्हायला सुरुवात होते. पण आपल्याला ते सतत ढवळत राहायचं आहे.

आता एका चौकोनी भांड्यामध्ये बटर पेपर ठेवायचा आहे. त्यामध्ये हे मिश्रण ओतायचे आहे. (बटर पेपर अवेलेबल नसल्यामुळे मी एक साधा पेपरला बटर लावून घेतला आहे) आता हा डबा आपल्याला जास्तीत जास्त दोन तास आणि कमीत कमी अर्धा तास फ्रीजमध्ये ठेवायचा आहे.

आता हे एकदा सेट झालं की आपल्याला डबा पलटी करायचा आहे व त्यातून आपल्याला हा ब्लॉक बाहेर काढायचा आहे. अगदी सहजपणे तो निघून येतो. आता हा पेपर आपल्याला काढून टाकायचा आहे व त्याचे छोटे छोटे पिसेस करायचे आहेत किंवा तुम्हाला आवडेल त्या सेफमध्ये तुम्ही कापू शकता.

आता आपल्याला एक बॅटर बनवायचं आहे. त्यासाठी आपल्याला एका भांड्यात मैदा घ्यायचं आहे. आणि त्यामध्ये आपल्याला दोन चमचे पिठीसाखर टाकायची आहे. व त्यामध्ये मीठ टाकायचं आहे.आता हे सर्व व्यवस्थित मिक्स करायचं आहे. त्यानंतर त्याच्यामध्ये पाणी टाकून पेस्ट तयार करायची आहे.जसे आपण भजी साठी बेसन तयार करतो तसेच आपल्याला येथे पेस्ट तयार करायची आहे. आता आपल्याला ब्रेडक्रम्स सुद्धा घ्यायचे आहेत.

आता आपल्याला पहिलं पीस मैद्याच्या बॅटर मध्ये घोळवायचा आहे.त्यानंतर ब्रेडक्रम मध्ये घोळवून झाल्यानंतर एका प्लेटमध्ये हे ठेवायचे आहेत. आणि ती प्लेट आपल्याला दहा मिनिटांसाठी फ्रीजमध्ये ठेवायची आहे.

एका कढईमध्ये तेल गरम करून घ्यायचं आहे. त्यानंतर फ्रीजमध्ये ठेवलेले पीस बाहेर काढून आपल्याला एक एक करून तळून घ्यायचे आहेत. आणि आपलं तयार होईल मिल्क फ्राय.....