चणा डाळ स्वच्छ धऊन सहा तास भिजवून ठेवावी व कुकर मध्ये पाच शिट्ट्या देऊन मऊ शिजवावी. पाणी गाळून घ्यावे व गरम असतानाच घोटून घ्यावी. त्यात गूळ मिक्स करावा. गूळ घातल्यावर मिश्रण पातळ होते.

मिश्रण घट्ट होईपर्यंत शिजवावे त्यात चमचा उभा राहिला की पुरण झाले. थंड झाल्यावर पुरण यंत्रातून वाटून घ्यावे व त्यात वेलची जायफळ पूड घालावी.

कणिक व मैदा मीठ व तेल घालून मऊसर मळून घ्यावा. एक तास झाकून ठेवावा.

आता पिठाची पारी करावी व त्याचा दुप्पट पुरण त्यात भरून, पोळी लाटावी.

तवा गरम करून, मध्यम आचेवर पोळी दोन्ही बाजूंनी खरपूस भाजावे.

पुरणपोळी गरम किवा थंड,तूप व दुधाबरोबर खायला द्यावी. या प्रमाणात चौदा पुरणपोळ्या होतात.