पनीर चीज कटलेट साठी आलू उकळून सोलून घ्यावेत. तसेच भाज्या बारीक चिरून घ्याव्यात आणि पनीर स्वच्छ धुऊन घ्यावे.

उकडलेला बटाटा किसून घ्यावा. तसेच पनीर पण किसून घ्यावे. एका पातेल्यामध्ये बटाटा आणि सर्व भाज्या हळद,तिखट, धने पावडर,गरम मसाला हिरवी मिरची आले लसणाची पेस्ट प्रमाणात मीठ मिक्स करून घ्यावे.

बटाट्याच्या मिश्रणामध्ये पनीर मिक्स करून घ्यावे. या मिश्रणाची वाटी तयार करून घ्यावी. त्यामध्ये चीज क्यूब चे तुकडे स्टफ करावे आणि कटलेट चा आकार द्यावा. असे सर्व कटलेट तयार करून घ्यावे.

सर्व कटलेट तयार झाल्यानंतर मैदा आणि कॉर्नफ्लॉवरच्या मिश्रणामध्ये बुडवून बारीक शेव वर घोळून घ्यावे. अशाप्रकारे सर्व कटलेट तयार करून घ्यावे. गॅसवर कढईत तेल गरम करायला ठेवावे. तेल गरम झाले की मंद आचेवर खमंग बदामी रंगाचे क्रिस्पी कटलेट करून घ्यावे.