प्रथम एका बाऊलमध्ये दूध आणि बटर व्यवस्थित फेटून घ्यावे

आता दुसऱ्या बाउल मध्ये मैदा मीठ साखर हे कोरडे जिन्नस चाळून घ्यावेत आणि त्यात ड्राय ईस्ट घालून मिश्रण व्यवस्थित मिक्‍स करून घ्यावे. आता या मिश्रणात दूध आणि बटर चे मिश्रण घालून व्यवस्थित एकजीव करावे आणि पाच ते सात मिनिट चांगले मळून घ्यावे.

आता हा पिठाचा गोळा टक फोल्ड करून दीड तास ओल्या फडक्याखाली झाकून ठेवावा. नंतर या पिठाला पंच करत मळून घ्यावे.आता परत पाच ते सहा मिनिटे व्यवस्थित पंच करून मळून घ्यावे.

नंतर किचन टॉप वर मैदा भुरभुरून मळलेल्या पिठाची एक ते दीड सेंटिमीटर जाडीची पोळी लाटून घ्या. आणि त्या पिठाचे वाटीच्या साह्याने डोनट पाडून घ्या.

एकीकडे कढईत तेल तापत ठेवा आणि मध्यम ते मंदआचेवर सगळे डोनट सोनेरी रंगावर तळून घ्या. डोनट तेलात सोडल्यावर झार्याने थोडा press करावा..म्हणजे तो फुलतो.डोनट पूर्णपणे गार होऊ द्या.

तोपर्यंत डार्क चॉकलेट आणि व्हाईट चॉकलेट मेल्ट करुन घ्या. तसंच थोड्या मेल्टेड व्हाईट चॉकलेट मध्ये कलर मिसळून ठेवा.

आता आपण जो पुरीसारखा डोनट केलाय त्याच्या साईडने एखादी टोकदार वस्तू आत मध्ये घालून पोकळ करून घ्यावं आणि त्यात चॉकलेट साॅस भरावा आणि हा डोनट मेल्टेड चॉकलेट मध्ये बुडवून बाजूला ठेवा. आणि त्यावर डिझाईन करून घ्या.हा झाला आपला double trouble donut..

बाकीचे डोनट व्हाईट सॉस आणि कलर्ड साॅस मध्ये डिप करून बाजूला ठेवावे आणि त्यांच्यावर कलर्ड स्प्रिंकलर तसेच जेम्सच्या गोळ्या बडीशेप च्या गोळ्या घालून डोनट डेकोरेट करावेत. येथे तुम्ही तुमची क्रिएटिव्हिटी वापरू शकता.

अशा तऱ्हेने सजवलेले डोनट डिश मध्ये काढून सर्व्ह करा.