प्रथम कांदे, टोमॅटो बारीक चिरून घेणे. आले लसूण पेस्ट करून घेणे. काजू 1/2 तास भिजत घालावेत. आता चिरलेल्या कांदे, मिरची यांची पेस्ट करून घेणे. टोमॅटो ची ही पेस्ट करून घेणे. भिजलेल्या काजुची पेस्ट करून घेणे. खडे मसाले प्लेट मध्ये काढून घेणे.

आता गॅस वर कढई ठेवून त्या मध्ये आवडीप्रमाणे तेल आणि बटर घालून घेणे. ते गरम झाले कि त्या मध्ये खडे मसाले घालून 2 मिनिटे परतून घेणे. आता त्यात कांदा पेस्ट घालावी. ती पेस्ट 3-4 मिनिटे गुलाबी रंगावर परतून घेणे. त्या मध्ये आले लसूण पेस्ट ही परतून घेणे. दोनीही चा कच्चा वास जाई पर्यंत परतून घेणे.

आता त्या मध्ये टोमॅटो पेस्ट घालून तेल सुटे पर्यंत परतून घेणे. नंतर त्यात काजू पेस्ट घालून 3-4 मिनिटे परतणे. आता त्या मध्ये काश्मिरी तिखट, लाल तिखट, गरम मसाला घालून 2मिनिटे सगळे परतणे.

आता त्या मध्ये आर्धी वाटी फ्रेश क्रीम घालून सगळे एकत्र करणे.3-4 मिनिटे मध्यम आचेवर हलवत राहणे. त्या मध्ये ग्रेव्ही किती घट्ट आणि पातळ हवी आहे त्या नुसार पाणी घालावे. व त्यात चवीनुसार मीठ आणि हाताने बारीक करून कसुरी मेथी घालावी. ही ग्रेव्ही 5 मिनिटे छान शिजवून घेणे.

आता या मध्ये पनीर चे आवाडीनुसार तुकडे करून त्या मध्ये घालून घेणे.5-7 मिनिटे पनीर ग्रेव्ही सोबत छान शिजवून घेणे.

अशाप्रकारे मस्त टेस्टी अशी शाही पनीर तयार झाली. ही भाजी सर्व्ह करताना वरून आवडत असल्यास फ्रेश क्रीम घालावी व गरम गरम पोळी, फुलके किंवा रोटी सोबत सर्व्ह करावी.