प्रथम मूग डाळीचे भजी बनवण्यासाठी मुगडाळ दोन-तीन तास भिजत घातली. मग मिक्सर मध्ये वाटून घेतली. जास्त बारीक वाटायची नाही. आलं व मिरची यांची पेस्ट करून घेतली.

एका वाटी मध्ये वाटलेली डाळ काढून त्यात आलं, मिरची पेस्ट,धणे जीरे पावडर, मीठ, कोथिंबीर, तांदळाचे पीठ घालून सर्व ५ मी नीट चांगले फेटून घेतले.

आता गॅसवर कढईत तेल गरम करून त्यात चमच्याने थोडे थोडे मिश्रण घालून मिडीयम गॅसवर भजी तळून घेतली.

ग्रेव्ही साठी आलं-लसूण ोबर्‍याचा किस यांचे मिक्सरवर वाटण करून घेतले.कांदा, टमाटा, कोथिंबीर बारीक चिरून घेतले.

मग कढाईत तेल गरम करून त्यात मोहरी, हिंग, हळद, कांदा, खोबरं, आलं-लसूण ह्यांचे वाटण घालून चांगले परतून घेतले.मग टमाटा, तिखट, मीठ गरम मसाला घालुन सर्व चांगले परतून घेतले. गरम पाणी घालून चांगले उकळून ग्रेव्ही तयार केली.

तयार ग्रेव्हीमध्ये वरील तयार मुग भजे घातले आणि वरून कोथिंबीर घातली व बाऊलमधे काढून सर्व्ह केले. घरात भाजी नसली तरी आपण पटकन ही भाजी करू शकतो.